#शेडनेटमध्ये काकडीचे पीक...

शेडनेटमध्ये काकडीचे पीक घेऊन नफा मिळवणाऱ्या स्मार्ट शेतकऱ्याची यशोगाथा
  
   इंदापूरच्या तानाजी शिंगाडे यांनी शेडनेट मध्ये काकडीचे उत्पादन घेऊन अवघ्या तीन महिन्याच्या कालावधीत लाखोच्या संख्येत नफा कमवला आहे. आजच्या इंडिअनरूट्झ ऍग्रोच्या लेखातून जाणून घेऊयात तानाजी यांनी पारंपरिक शेतीत केलेलं आधुनिक बदल.

   पुणे जिल्ह्यातील इंदापूरमधील तानाजी शिंगाडे मेकॅनिकल इंजिनिअरिंगचे शिक्षण घेतले असून एक प्रगतशील शेतकरी आहेत. कडबनवाडी गावात शिंगाडे यांची वडिलोपार्जित १६ एकर शेती आहे. पूर्वी शिंगाडे यांनी डाळिंबाचे पीक घेतले होते परंतु तेल्या रोगाने बागेचे मोठ्या प्रमाणावर नुकसान झाले होते. ती बाग नष्ट करून नवीन पीक घेण्याचा विचार केला. दरम्यानच्या काळात  तानाजी यांना शेडनेटमध्ये शेती करण्याची माहिती मिळाली. यानंतर त्यांनी नियंत्रित जागेत शेडनेट लावून काकडीचे उत्पादन घेण्याचा निर्णय घेतला. शेडनेटसाठी लागणारा  खर्च शिंगाडे यांना परवडणारा नव्हता. फलोत्पादन अभियानातून शेडनेट शेतीसाठी शिंगाडे यांना मदत मिळाली. 

तानाजी यांच्या शेतीचे प्रभावी मॉडेल
जमिनीची मशागत करून बेड तयार केले.
याला सेंद्रिय व रासायनिक खतांचे बेसल डोस दिले.
मल्चिंग पेपर अंथरून त्यावर २फुटांवर भोके पाडली.
ठिबकच्या ड्रीपलाइन अंथरल्या.
दोन बेडमध्ये ४५ सेमी अंतर ठेवले.
काकडीचे बी ८रुपयांना एक याप्रमाणे ४० गुंठ्यांसाठी ८ हजार बियाणे आणले.
२०दिवसात तारकाठी केली. अवघ्या ३५व्या दिवशी काकडी तोडणीस आली.
दिवसाआड दीड ते दोन टन काकडीची तोडणी होते.
तोडणी केलेली काकडी क्रेटमध्ये भरून मुंबई बाजारपेठेत पाठवली जाते.

खर्च व उत्पन्न 
आतापर्यंत १४ टन उत्पादन मिळाले आहे.
हि काकडी बाजारात २५ ते ३० रुपये किलोने विकली गेली आहे.
यातून तानाजी यांना २लाख ८० हजार रुपये मिळाले आहेत.
अजून २ महिने तोडा सुरु असणार असून यातून ३५ टन उत्पादन येण्याची अपेक्षा आहे.
यातून आणखी अंदाजे ५लाख रुपये उत्पन्न मिळण्याची अपेक्षा तानाजी यांना आहे.
बियाणे खर्च,  बँकेचा हफ्ता, खते,कीडनाशके, वाहतूक हे सर्व मिळून २लाख ५० हजारांचा खर्च आला.