Skip to main content

ब्रँड

ब्रँड महत्वाचा आहे… व्यवसायात आणि वैयक्तिक जीवनात सुद्धा…

Posted on Business World

विस हजारात बनणारा अॅप्पल आयफोन लाखात विकला जातो तो ब्रँडमुळेच….

घरच्या काॅफीसारखीच असणारी काॅफी आपण CCD मधे दोनशे रुपयाला घेतो ते ब्रँडमुळेच…

मुंबईच्या व्होलसेल मार्केटमधला एखादा टिशर्ट एका दुकानात दोनशेला विकला जातो तर एकात हजारमधेही विकला जातो ते ब्रँडमुळेच…

भारत बांग्लादेश मधे बनवले गेलेले शुज नाईकीचे लेबल लावुन पाच हजारात विकले जातात आणि तेच शुज विना ब्रँड हजार रुपयात सुद्धा कुणी लवकर घेत नाही… कारण ? ब्रँड…

हातगाडीवरचा वडा पाव पंधरा रुपयात सुद्धा महाग वाटतो, आणि तेच एखाद्या मोठ्या हटेल मधे असेल तर १०० रुपयात सुद्धा सहज विकत घेतला जातो…. ब्रँड

एका छोट्या कपड्याच्या दुकानात दुकानदाराशी तासभर बार्गेनींग केली जाते, तर तेच मोठ्या शोरुम मधे असाल तर मुकाट जी किंमत असेल ती दिली जाते …. मोठ्या शाॅप चं स्टेटस तुम्हाला दबावात आणत.. त्यांचा ब्रँड तुम्हाला नकळत त्यांच वर्चस्व मान्य करायला भाग पाडतो….
https://businessworldv.blogspot.com

PNG ला ब्रँड बनवायला पन्नास साठ वर्षे लागली, आणि दक्षिणेत प्रसिद्ध असला तरी महाराष्ट्रात काल परवा आलेला कल्याण ज्वेलर वर्षात ब्रँड झाला… कारण? फिल्म ईंडस्ट्रीमधला सर्वात मोठा ब्रँड Big B त्यांची जाहीरात करत होता. पण याचवेळी उद्या एखादी चुक झाली तर कल्याण ज्वेलर्स चा ब्रँड लगेच खराब होईल पण PNG चा नाही, कारण एकाने आपले कर्त्तृत्व वर्षानुवर्षे सिद्ध केलंय आणि दुसऱ्याने एका ब्रँड ला सोबत घेउन आपला ब्रँड वर्षभरात तयार केलाय…

एखादा नवखा अॅक्टर कितीही चांगला असला तरी त्याला आमीर खान सारखे मानधन मिळू शकत नाही…. कारण त्याची ब्रँड व्हॅल्यू कमी असते.

सचिन तेंडुलकर आजही जाहिरात मानधनाच्या स्पर्धेत टॉप ३ मधे आहे… “सचिन” नावाचा ब्रँड बनवण्यासाठी त्याला १५ वर्षे लागलीत.

रोल्स रॉयस सारख्या दिसणाऱ्या गाड्या चीन मधे अगदी स्वस्तात बनवल्या जातात. पण म्हणून त्यांना रोल्स रॉयस चं स्टेटस कधीच मिळू शकत नाही. शेवटी RR हा ब्रँड महत्वाचा आहे… त्या सहा कोटीच्या गाडीची ओळख या ब्रँड मुळे आहे, गाडीच्या देखाव्यामुळे किंवा त्यात मिळणाऱ्या सोयीसुविधांमुळे नाही…

ब्रँड… 

ब्रँड महत्वाचा आहे… तुम्ही तुमचं प्रोडक्ट, तुमचे नाव कशा प्रकारे प्रेझेंट करता यावर खुप काही ठरतं…

ब्रँड कशाचाही असू शकतो… तुमच्या व्यवसायाचा ब्रँड असू शकतो. तुम्ही स्वतःही ब्रँड असू शकता. राजकारणात, क्रीडा क्षेत्रात, कला क्षेत्रात… सर्वत्र ब्रँड असतोच. आपण पूर्णपणे ब्रँड्स नि घेरले गेलेलो आहोत.
https://businessworldv.blogspot.com

पण ब्रँड बनवणे सोपे काम नाही.. त्यासाठी प्रचंड मेहनत लागते; वर्षोनवर्षे गुणवत्ता, सेवा द्यावी लागते; लोकांना तुमच्याशी जोडावे लागते; अनंत अडचणीतुन मार्ग काढत अस्तित्व सिद्ध करावे लागते; भुतकाळातुन शिकावे लागते, भविष्याचा वेध घेउन वाटचाल करावी लागते; चढ उतारांचा सामना करावा लागतो… तेव्हा कुठे तुमचा ब्रँड बनण्याची प्रक्रिया सुरु होते… आणि यासोबतच हवी असते योग्य ब्रॅण्डिंग स्ट्रॅटेजि…

तुमचे वा तुमच्या व्यवसायाचे नाव ब्रँड बनवण्यासाठी फक्त कष्ट नाही तर नियोजनही आवश्यक असते. तुम्हाला लोकांनी का किंमत द्यावी, तुमच्यात असे काय आहे ज्यामुळे लोकांनी तुम्हाला इतरांपेक्षा वरचा दर्जा द्यावा, याची उत्तरे लोकांना द्यावी लागतात…

प्रत्येक ब्रँड ची एक खासियत असते, ती खासियत लोकांना दिसायला हवी, जाणवायला हवी. हि खासियत जेव्हा लोकांना दिसते, जाणवते तेव्हा ब्रँड बनायला सुरुवात होते… जेव्हा लोक स्वतःहून तुम्हाला वर्चस्व प्रदान करतात तेव्हा ब्रँड बनायला सुरुवात झालेली असते… जेव्हा लोक तुमच्या पाठीमागेही तुमचे गुणगान गातात तेव्हा ब्रँड बनायला सुरुवात झालेली असते.

गुणवत्ता, प्रचार, वर्चस्व, प्रेझेन्टेशन, आकर्षण, खासियत या सगळ्यांची गोळाबेरीज करून ब्रँड बनतो…
ब्रँड ऐसेही नाही बनता… उसे तडका देना पडता है… हा तडक म्हणजे हि गोळाबेरीज…

ब्रँड महत्वाचा आहे… व्यवसायात आणि वैयक्तिक जीवनात सुद्धा…
https://businessworldv.blogspot.com
व्यवसाय साक्षर व्हा… 
उद्योजक व्हा… 
समृद्ध व्हा… 
_

Comments

Fact#Dhingaana

यशस्वी उद्योजक होण्यासाठी काही अत्यंत महत्वाचे गुण....*

*यशस्वी उद्योजक होण्यासाठी काही अत्यंत महत्वाचे गुण....* तुम्हाला जीवनात यशस्वी उद्योजक व्हायचे असेल तर तुमच्यात काही गुण असावे लागतात. ते कमी-अधिक प्रमाणात असतील तर चालत...

#सरकी तेल व पेंड निर्मिती..

*सरकी तेल व पेंड निर्मिती  सरकी तेल व पेंड निर्मिती उद्योग हा तसा वर्षभर मागणी असणारा उद्योग ,ग्रामीण भागात जनावरांना पोषक खाद्य म्हणून तेलयुक्त पेंडी दिल्या जातात त्य...

#दुग्ध व्यवसाय:-

दुग्ध व्यवसाय:- शेतीपूरक परंपरागत व्यवसाय शेतीपूरक व्यवसायामध्ये दुग्ध व्यवसाय हा पूर्वीपासूनच परंपरागत चालत आलेला महत्वाचं व्यवसाय आहे. दुग्ध व्यवसायासाठी प्रामुख्याने संकरीत गाई गावठी दुधाळ गाई आणि दुधाल म्हशी पाळल्या जातात. प्रचलित पद्धतीने दुग्ध व्यवसाय करण्यापेक्षा आधुनिक तंत्राने व्यापारीदृष्ट्या हा व्यवसाय केला असता निश्चितपणे शाश्वत धंदा असून, आर्थिकदृष्ट्या चांगला परवडतो. आहारदृष्ट्या प्रत्येकाला प्रतिदिनी ३०० मि.ली. दुधाची गरज भासते. वाढत्या लोकसंख्येला दुधाचं उत्पादन वाढणं फारच गरजेचं आहे. आपल्याकडे गाईपासून ४५% तर म्हशीकडून ५२% दुध मिळते. पण यात सध्या तरी उलटे चित्र दिसू लागले आहे. दुधामध्ये पाणी, कर्बोदक, स्निग्धांश, क्षार, जीवनसत्व, भरपूर प्रमाणात असल्यानं दुध हे पूर्णान्न आहे. गाईच्या १ लिटर दुधातून ६०० किलो कॅलरीज, तर म्हशींच्या १ लिटर दुधापासून १००० किलो कॅलरीज मिळतात. दुधापासून अनेकविध पदार्थ तयार करता येतात. अशा या फायदेशीर धंद्यासाठी काही आवश्यक बाबी असाव्या लागतात. संगोपन ओलीताखालच १ हेक्टर कमीत कमी क्षेत्र असावं लागतं किमान ५-१० दुभत्या गाई-म्हशी अ...